ზუგდიდში, დევნილთა ჩასახლებაში ახალი საბავშვო ბაღი აშენდება

ზუგდიდში, ლაღიძის ქუჩაზე, დევნილთა ჩასახლებაში, თანამედროვე სტანდარტების შესაბამისი, ახალი საბავშვო ბაღი აშენდება.

როგორც "ინტერპრესნიუსს" ზუგდიდის მუნიციპალიტეტის მერიიდან აცნობეს, საბავშვო ბაღისთვის განკუთვნილი ტერიტორია დღეს ზუგდიდის მუნიციპალიტეტის მერმა გიორგი შენგელიამ, ლტოლვილთა დანიის საბჭოს სამხრეთ კავკასიის წარმომადგენლობის დირექტორმა ვინსენტ დონტოტმა და დანიის ლტოლვილთა საბჭოს დასავლეთ საქართველოს სამხარეო მენეჯერმა მზევინარ ჯოჯუამ დაათვალიერეს.

მათივე ცნობით, გერმანიის მთავრობის დაფინანსებით, აგრეთვე, სრული რეაბილიტაცია ჩაუტარდება კონსტანტინე გამსახურდიას ქუჩაზე არსებულ N1 საბავშო ბაღს.

როგორც მუნიციპალიტეტის მერმა აღნიშნა, ახალი საბავშო ბაღი 100 აღსაზრდელზე იქნება გათვლილი და მისი მშენებლობა 10 თვეში დასრულდება.

პროექტის ფარგლებში, საქართველოს მასშტაბით, საერთო ჯამში 8 საბავშვო ბაღის მშენებლობა და 2 მათგანის რეაბილიტაცია არის დაგეგმილი.

როგორც ზუგდიდის მერიაში აცხადებენ, დევნილთა სოციალური და ეკონომიკური ინტეგრაციის ხელშეწყობის მიზნით ინფრასტრუქტურული სამუშაოების დაგეგმვისას მაქსიმალურად არის გათვალისწინებული დასახლებებში არსებული საჭიროებები.

გერმანიის რეკონსტრუქციისა და განვითარების ბანკის (KFW) მიერ დაფინანსებული პროექტი „ეკონომიკური მონაწილეობა საცხოვრებლით უზრუნველყოფა და სოციალური ინფრასტრუქტურა იძულებით გადაადგილებულ პირთა და მასპინძელი თემებისათვის“, რომელიც დევნილთა სოციალური ინტეგრაციის ხელშეწყობასთან ერთად, მათ გრძელვადიან განსახლებას, ეკონომიკურ და საგანმანათლებლო გაძლიერებას ითვალისწინებს, ლტოლვილთა დანიის საბჭოს მიერ ხორციელდება საქართველო-გერმანიის ფინანსური თანამშრომლობის ფარგლებში.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით