დარგობრივი ეკონომიკისა და ეკონომიკური პოლიტიკის კომიტეტის თავმჯდომარე, რომან კაკულია დარწმუნებულია, რომ საკონსტიტუციო ცვლილებები 2020 წლის საარჩევნო სისტემის შეცვლის თაობაზე მიღებული იქნება.

როგორც კაკულიამ ჟურნალისტებს განუცხადა, ცვლილებებს თავად მხარს უჭერს.

„ყველაფერი უნდა გავაკეთოთ იმისთვის, რომ ეს ცვლილებები იყოს მიღებული. საკონსტიტუციო ცვლილებებს მხარს ვუჭერდი და დავუჭერ, რადგან საქართველოში დიდი ხანია დრო დადგა, პოლიტიკურმა ძალებმა ლეგიტიმაცია თავიანთი იდეების საშუალებით მოიპოვონ და არა ვინმესთან ბრძოლის საშუალებით. ვფიქრობ, რომ საკონსტიტუციო ცვლილებები პოლიტიკურ ცხოვრებაში მეტ ლეგიტიმაციას შემოიტანს. დარწმუნებული ვარ, რომ საკონსტიტუციო ცვლილებები მიღებული იქნება“, - განაცხადა რომან კაკულიამ.