ე.წ. კანონიერი ქურდის მინდია გორაძის, იგივე "ლავასოღლის" ოჯახის წევრები და და ახლობლები საქართველოს იუსტიციის მინისტრს თეა წულუკიანს დღეს, 15:00 საათამდე დროს აძლევენ, იმისათვის რომ გორაძესთან დაკავშირებით კონკრეტული ნაბიჯები გადადგას. მათი მთავარი მოთხოვნაა, მინდია გორაძის თურქეთის საპატიმროდან ექსტრადირება ან გათავისუფლება მოხდეს.

მინდია გორაძის ახლობლები აქციას ბათუმის იუსტიციის სახლთან მართავენ, სადაც 15 პირი პროტესტის ნიშნად შიმშილობს, ოთხმა კი პირი ამოიკერა. აქციის მონაწილეების განცხადებით, მინისტრისგან კონკრეტულ განცხადებას თუ არ მოისმენენ, ისინი სარფის საბაჟო გამშვები პუნქტის პიკეტირებას გეგმავენ.

ცნობისთვის, მინდია გორაძე თურქეთში საექსტრადაციო პატიმტობაში იმყოფება, მას გამოძიება ქურდული სამყაროს წევრობას ედავება.