პოლიციამ მოსკოვში ორი პირი დააკავა, რომელიც აშშ-ის საელჩოს შენობაზე ჯორჯ ფლოიდის გარდაცვალებასთან დაკავშირებით მიმდინარე საპროტესტო აქციების მხარდამჭერი ბანერის გაკვრას ცდილობდა, - ამის შესახებ ინფორმაციას სააგენტო „ტასი“ ავრცელებს.

„მემარცხენე ბლოკის“ ორი აქტივისტი ცდილობდა აშშ-ის საელჩოს შენობაზე გაეკრა ბანერი წარწერით : „სამართალი ფლოიდისთვის“, ორივე მათგანი დაკავებულია,“ - განუცხადა „ტასს“ სამართალდამცავი ორგანოს წარმომადგენელმა.

შეგახსენებთ, აშშ-ის ათობით ქალაქში ერთ კვირაზე მეტია საპროტესტო აქციები არ წყდება. დემონსტრანტები ფერადკანიანი მამაკაცის, ჯორჯ ფლოიდის, გარდაცვალებას აპროტესტებენ და სამართლიანობის აღდგენას მოითხოვენ. ფლოიდი მინესოტას შტატის ქალაქ მინეაპოლისში 25 მაისს პოლიციის მიერ დაკავების დროს გამოჩენილი ძალადობის შედეგად შეუძლოდ გახდა და მოგვიანებით, საავადმყოფოში გარდაიცვალა.