ფოთის ჰოსპიტალში საეჭვო სიმპტომებით მოთავსებულ ორ პაციენტს ლაბორატორიული კვლევის შედეგად კორონავირუსი არ აღმოაჩნდა.
ჰოსპიტალის დირექტორის, თეა მიგინეიშვილის ინფორმაციით, მათ ცხელება აღენიშნებოდათ.
„ჩვენი კლინიკის ორ პაციენტს – 35 წლის მამაკაცს ლანჩხუთიდან და 34 წლის ქალს ფოთიდან კორონავირუსი არ დაუდგინდა. ორივე მათგანის ბიოლოგიური მასალა ზუგდიდის ინფექციური საავადმყოფოს ლაბორატორიაში „პისიარ“ კვლევისთვის იყო გაგზავნილი. ისინი ბოქსირებულ პალატებში იყვნენ მოთავსებული. მათი ჯანმრთელობის მდგომარეობა დამაკმაყოფილებელია" , - განაცხადა თეა მიგინეიშვილმა.