კოვიდ 19-ის პანდემიისგან ბევრი რამის სწავლა შეიძლება. ჩვენ ამ კრიზისიდან ბევრ რამეს ვისწავლით იმისათვის, რომ შემდეგში იმაზე გაცილებით სწრაფად ვიმოქმედოთ, ვიდრე ეს ამჯერად მოვახერხეთ, - ამის შესახებ ნატოს გენერალურმა მდივანმა იენს სტოლტენბერგმა Sky News-თან ინტერვიუში განაცხადა,
მისივე თქმით, ალიანსი კორონავირუსის მეორე ტალღის გამკლავების გეგმაზე მუშაობს .
„ახლა კორონავირუსის მეორე ტალღის გამკლავების გეგმაზე ვმუშაობთ იმისთვის, რომ უფრო სწრაფად და ეფექტურად ვიმოქმედოთ,“- განაცხადა იენს სტოლტენბერგმა.
მან ის ქვეყნებიც გააკრიტიკა, რომლებმაც კოვიდ 19-ის პანდემია ნატოზე თავდასხმის საშუალებად გამოიყენეს.
“რაც ჩვენ ვნახეთ ისაა, რომ ჩინეთი და რუსეთი საჯაროდ ცდილობდნენ პანდემია, კოროვირუსის კრიზისი ნატო-ს წევრებს შორის უთანხმოებისა და განხეთქილების დასათესად გამოეყენებიათ”, - განაცხადა იენს სტოლტენბერგმა.