რაჭა-ლეჩხუმისა და ქვემო სვანეთის მხარეში სახელმწიფო რწმუნებული, არჩილ ჯაფარიძე მოსახლეობას “ხვამლობის“ დღესასწაულს ულოცავს. როგორც ჯაფარიძე აცხადებს, მოსახლეობა პანდემიის პირობებში დღესასწაულს „მოკრძალებულად“ აღნიშნავს.
"ხვამლობის" დღესასწაულს გილოცავთ ყველას, განსაკუთრებით თქვენ, ჩემო ლეჩხუმლებო ! წელს, პანდემიის პირობებში, მოკრძალებულად გვიწევს "ხვამლობის" აღნიშვნა. ამ დღეს ხომ მთელი საქართველოდან მოეშურებიან მომლოცველები თუ ტურისტები საზეიმოდ. ლეჩხუმი ყოველთვის იქნება ყველასთვის საინტერესო მხარე, გამორჩეული ბუნებით, კულტურით, ისტორიითა და რაც მთავარია, აქ მცხოვრები სტუმართმოყვარე და ნიჭიერი ადამიანებით. ხვამლის მთა ლეჩხუმის სავიზიტო ბარათია, სიმბოლური და იდუმალია, რაც კი მას უკავშირდება. ხვამლის წმინდა გიორგი ფარავდეს ლეჩხუმს და სრულიად საქართველოს! " -განაცხადა არჩილ ჯაფარიძემ.
აღნიშნულ ინფორმაციას რაჭა-ლეჩხუმისა და ქვემო სვანეთის სამხარეო ადმინისტრაციის საზოგადოებასთან ურთიერთობის სამსახური ავრცელებს.