“ახალი საქართველოს” ლიდერის გიორგი ვაშაძის განცხადებით, ზურაბ აბაშიძის განცხადება, რომ რუსული კომპანიების მიერ პორტებით დაინტერესება საინტერესო პერსპექტივაა, არის კოლაბორაციონისტული. მისი თქმით, ეს არ ემსახურება ქართული სახელმწიფოს ინტერესს .

“პრემიერ-მინისტრის სპეციალური წარმომადგენლის რუსეთთან ურთიერთობის საკითხებში ზურაბ აბაშიძის განცხადება, რომ რუსული კომპანიების მიერ პორტებით დაინტერესება საინტერესო პერსპექტივაა, არის კოლაბორაციონისტული, არ ემსახურება ქართული სახელმწიფოს ინტერესს და მისი მიზანია საქართველოს მეტი ეკონომიკური დამოკიდებულება ოკუპანტ სახელმწიფოზე. ზურაბ აბაშიძე, მიუხედავად მისი დიპლომატიური გამოცდილებისა, არ იმსახურებს ნდობას იმ შემთხვევაშიც კი, როცა მან "ქართული ოცნების" ხელისუფლების ნება გაამჟღავნა. მას უნდა ესმოდეს, რომ ის არის საქართველოს წარმომადგენელი და არა ივანიშვილის ან რომელიმე მისი მარიონეტის”, - განაცხადა ვაშაძემ.