სერგი კაპანაძე მაჟორიტარებზე - მიგვაჩნია, რომ ამ ეტაპზე თბილისზე უნდა შევთანხმდეთ, შემდეგ სხვა ოლქებში, ურბანულ ცენტრებში, სადაც ოპოზიციას დიდი შედეგი ჰქონდა, მოხდეს კოორდინირება

„ევროპული საქართველოს“ ერთ-ერთი ლიდერის სერგი კაპანაძის განცხადებით, საარჩევნო საკითხზე მოლაპარაკებები ყველა პოლიტიკურ ძალასთან მიმდინარეობს. იგი იმედოვნებს, რომ უახლოეს მომავალში ოპოზიციური სპექტრის წარმომადგენლები თბილისში კანდიდატებზე შეჯერდებიან.

„ჩვენ კონსულტაციები ყველა პოლიტიკურ ძალასთან გვაქვს და ის ახლაც მიმდინარეობს. ძალიან დიდი იმედი მაქვს, რომ უახლოეს ხანებში თბილისში კანდიდატები შეჯერებული იქნება. თუმცა, კონკრეტულად ამ კანდიდატებში ვინ მოიაზრება, ამ ეტაპზე ვერაფერს გეტყვით იმის გათვალისწინებით, რომ კონსულტაციები არ დასრულებულა“, - აცხადებს კაპანაძე.

კითხვაზე, განიხილება თუ არა ვაკეში ელენე ხოშტარიას კანდიდატურა, სერგი კაპანაძემ უპასუხა, რომ კონკრეტულ კანდიდატებზე ამ ეტაპზე ვერ ისაუბრებს, რადგან კონსულტაციები ჯერ კიდევ მიმდინარეობს.

„რაც შეეხება საქართველოს დანარჩენ ნაწილს, მიგვაჩნია, რომ ამ ეტაპზე თბილისზე უნდა შევთანხმდეთ და შემდეგ დავიწყოთ კონსულტაციები, რომ სხვა ოლქებში, სადაც წინა არჩევნებში ოპოზიციას დიდი შედეგი ჰქონდა და ეს არის ურბანული ცენტრები, იქაც მოხდეს კონსულტაცია და კოორდინირება“, - აცხადებს სერგი კაპანაძე.

იხილეთ ვიდეო

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა