საქართველოს გაზის ტრანსპორტირების კომპანიამ დედოფლისწყაროს მუნიციპალიტეტის 8 სოფელში გაზიფიცირებისათვის საჭირო სამშენებლო სამუშაოები დაასრულა და საქველმოქმედო აქციის ფარგლებში არხილოსკალოსა და ქვემო ქედში მცხოვრებ სოციალურად დაუცველ და მრავალშვილიან ოჯახს გაზქურები საჩუქარად გადასცა.
როგორც „ინტერპრესნიუსს“ საქართველოს გაზის ტრანსპორტირების კომპანიდან აცნობეს, გაზიფიცირების პროექტის ფარგლებში არხილოსკალოში, ქვემო ქედში, ზემო ქედში, საბათლოში, ფიროსმანში, სამთაწყაროში, ჭოეთსა და თავწყაროში 181 173 გრძივი მეტრი გაზსადენი აშენდა, რაც 3203 ადგილობრივ მოსახლეს საშუალებას მისცემს ბუნებრივი გაზის საერთო ქსელში ჩაერთოს.
,,საქართველოს გაზის ტრანსპორტირების კომპანია საქართველოს მთავრობის განკარგულების საფუძველზე მუდმივად ახორციელებს გაზიფიცირებისათვის საჭირო საპროექტო და სამშენებლო სამუშაოებს", - ნათქვამია ინფორმაციაში.