საფრანგეთის საგარეო საქმეთა მინისტრი ჟან-ივ ლე დრიანი აცხადებს, რომ მშვიდობიანი დემონსტრანტებისა და ჟურნალისტების წინააღმდეგ ძალის გამოყენება მიუღებელია.

როგორც ლე დრიანმა ფრანგულ გამოცემა Le Telegramme-სთან ინტერვიუში განაცხადა, აუცილებელია, ხალხს პროტესტის თავისუფლად გამოხატვის ნება მისცენ.

„მშვიდობიანი დემონსტრანტებისა და ჟურნალისტების წინააღმდეგ ჩადენილი ნებისმიერი ძალადობრივი ქმედება მიუღებელია როგორც აშშ-ში, ასევე სხვაგან,“- განაცხადა საფრანგეთის საგარეო საქმეთა მინისტრმა.

შეგახსენებთ, აშშ-ში, თითქმის ორი კვირაა საპროტესტო აქციები არ წყდება. პროტესტი შავკანიანი მამაკაცის, ჯორჯ ფლოიდის, პოლიციის ძალადობრივი ქმედების შედეგად დაღუპვას მოჰყვა. დემონსტრანტები რასიზმსა და ძალადობას აპროტესტებენ და სამართლიანობისა აღდგენასა და პოლიციის რეფორმის გატარებას მოითხოვენ. საპროტესტო აქციებზე ხშირია პოლიციასა და დემონსტრანტებს შორის შეტაკებები, სამართალდამცავებმა რამდენიმე ქალაქში აქციის მონაწილეების წინააღმდეგ ცრელმსადენი გაზი გამოიყენეს, აქცების დაწყების დროიდან 10 000-მდე ადამიანია დაკავებული.

იხილეთ ვიდეო:საფრანგეთის საგარეო საქმეთა მინისტრი - მშვიდობიანი დემონსტრანტებისა და ჟურნალისტების წინააღმდეგ ძალის გამოყენება მიუღებელია