აჭარის მთავრობის ინფორმაციით, აჭარაში მასშტაბური სპორტული ინფრასტრუქტურული პროექტები გრძელდება

აჭარაში სპორტის განვითარების ხელშეწყობის მიზნით მასშტაბური სპორტული ინფრასტრუქტურული პროექტების განხორციელება გრძელდება. როგორც „ინტერპრესნიუსს“ აჭარის მთავრობიდან აცნობეს, ბათუმის უნივერსალური სპორტული კომპლექსის მშენებლობა აქტიურ ფაზაშია, ასევე მიმდინარეობს ანგისის სპორტული ბაზის სამშენებლო სამუშაოები.

მათივე ცნობით, ბათუმში მიმდინარე სპორტული ინფრასტრუქტურის სამშენებლო პროცესს აჭარის მთავრობის თავმჯდომარე, ფინანსთა და ეკონომიკის მინისტრთან ერთად გაეცნო. ამ ეტაპზე სპორტულ კომპლექსში მიმდინარეობს სპორტული დარბაზებისა და ტრიბუნის მოპირკეთება, სკამების მონტაჟი კი უკვე დასრულდა.

„3 400 მაყურებელზე გათვლილი, უნივერსალური სპორტული კომპლექსის ღირებულება 62 000 000 ლარია. პროექტი აჭარის მთავრობის მიერ ფინანსდება და აერთიანებს სპორტის 12 სახეობას და 10 240 მ2 ფართობის დარბაზებს, რაც იძლევა შესაძლებლობას რეგიონმა უმასპინძლოს როგორც ადგილობრივ, ასევე საერთაშორისო დონის სპორტულ ჩემპიონატებს. აღსანიშნავია, რომ სპორტული კომპლექსი სრულად ადაპტირებულია. აჭარის მთავრობის თავმჯდომარე კიდევ ერთი მასშტაბური სპორტული პროექტის, ანგისის ახალი სასპორტო ბაზის, მშენებლობის მიმდინარეობას გაეცნო. კორონავირუსის პანდემიის მიუხედავად, ინფრასტრუქტურული სამუშაოები ანისის სასპორტო ბაზაზე აქტიურად მიმდინარეობს. ამ ეტაპზე, დასრულებულია ორი მინდვრის მოწყობა. უკვე აშენდა 80 ბავშვზე გათვლილი ბავშვთა საფეხბურთო აკადემიის კონსტრუქცია. მიმდინარეობს შიდა მოწყობის სარემონტო სამუშაოები. უახლოეს პერიოდში დაიწყება 2 დიდი სტანდარტული მოედნის მოწყობა ბუნებრივი და ხელოვნური მინდვრის საფარით. პროექტი 2500 ბავშვზეა გათვლილი. პროექტი კერძო ინვესტიციით ხორციელდება, დასაქმებულია 50 ადგილობრივი. სპორტული ბაზის პროექტის ღირებულება 9 მილიონი ლარია“, - ნათქვამია ინფორმაციაში.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ