ანრი ოხანაშვილის განცხადებით, თუ პირბადის ტარება, ადამიანის ჯანმრთელობას კონკრეტული დაავადების გამო, საფრთხეს უქმნის, შესაძლებელია, შესაბამისი ცნობა გაიცეს

საქართველოს პარლამენტის იურიდიულ საკითხთა კომიტეტის თავმჯდომარის ანრი ოხანაშვილის განცხადებით, იმ შემთხვევაში, თუ ადამიანს პირბადის ტარება დაავადების ან რაიმე სხვა პრობლემის გამო არ შეუძლია, საკითხი რეკომენდაციებში უნდა გაიწეროს და თუ შესაძლბელი იქნება შესაბამისი ცნობა გაიცეს.

როგორც ოხანაშვილმა იურიდიულ საკითხთა კომიტეტის სხდომაზე განაცხადა, აღნიშნული თემა მთავრობამ უნდა დაარეგულიროს.

„ადამიანს, ვისაც გულსისხლძარღვთა დაავადება ექნება, თუ სხვა რაიმე სახის დაავადება და არ შეუძლია პირბადის ტარება, სუნთქვის პრობლემა აქვს და ეს საფრთხეს უქმნის მათ სიცოცხლეს და ჯანმრთელობას, რა თქმა უნდა, ეს რთულად გაწერადია. კანონში ჩვენ ამას ვერ გავწერთ. თუმცა ეს უნდა იყოს გათვალისწინებული რეკომენდაციებში. მთავრობამ ჯანდაცვის სამინისტროსთან ერთად გარკვეული წესები უნდა შეიმუშავოს, თუ ასეთი ტიპის ადამიანებთან გვაქვს საქმე, ხომ არ მოხდეს რაიმე ცნობის გაცემა, რომ ყოველ ჯერზე არ მოხდეს ახსნა, ან როგორ უნდა აუხსნას ადამიანმა შესაბამის უწყებას. ამის ადმინისტრირებას ახდენს ძირითადად შინაგან საქმეთა სამინისტროს ორგანოები და ფინანსთა სამინისტროს შესაბამისი ორგანოები. როგორ უნდა აუხსნას ამ ადამიანმა უწყებას და უნდა ენდოს თუ არა უწყება ამ ადამიანს სიტყვაზე. ეს რთული იქნება, ამიტომ, ჩვენ პარალელურად ნ კონსულტაციებს გავდივართ, იმედი მაქვს, ამ კვირაში ინტენსიურად ვიმუშავებთ და მთავრობა დაარეგულირებს ამ საკითხს, თუ როგორი ტიპის ცნობების გაცემაა შესაძლებელი ან როგორ უნდა მოხდეს მათი გადამოწმება. ნებისმიერ შემთხვევაში, თუ დავუშვათ, არასწორად მოხდა ჯარიმის გამოწერა, ამ პირებს საშუალება ექნებათ გაასაჩივრონ“,- განაცხადა ოხანაშვილმა.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა