ხელვაჩაურში, სოფელ ზანაქიძეებში საცხოვრებელი სახლი მთლიანად დაიწვა. ადგილობრივების ინფორმაციით, შემთხვევის შედეგად არავინ დაშავებულა, თუმცა საცხოვრებელ სახლში ნივთების გადარჩენა ვერ შეძლეს.

დაზარალებული ოჯახი უსაფრთხო ადგილზეა გაყვანილი.

შემთხვევის ადგილზე სახანძრო-სამაშველო სამსახური იყო მობილიზებული, ხანძარი ამ დროისათვის ლიკვიდირებულია.

წინასწარი ინფორმაციით, ხანძარი სავარაუდოდ, მოკლე ჩართვამ გამოიწვია.

დაზარალებულ ოჯახთან ხელვაჩაურის მერიის წარმომადგენლები მივიდნენ, ამ დროისათვის, ზარალის შესწავლა მიმდინარეობს.