გორში, კომბინატის დასახლებაში მომხდარი ავარიისას ქვეითი დედა-შვილი დაშავდა. დაშავებულები კლინიკა ,,გორმედში“ გადაიყვანეს. მორიგე ექიმის, ასლან ასლანიშვილის განცხადებით, ორივე პაციენტის ჯანმრთელობის მდგომარეობა სტაბილურია.
,,ავტოსაგზაო შემთხვევის შედეგად კლინიკაში შემოყვანილია ახალგაზრდა ქალი და მისი 5 წლის შვილი, ორივე მათგანს აღენიშნება ექსკორაციები, ამ ეტაპზე, სხვა დაზიანებები არ იკვეთება, თუმცა, მიმდინარეობს დამატებითი კვლევები. ორივე პაციენტის ჯანმრთელობის მდგომარეობა სტაბილურია, არც ერთი მათგანის სიცოცხლეს საფრთხე არ ემუქრება“, - განაცხადა ასლან ასლანიშვილმა.
მომხდარ ფაქტზე გამოძიება დაწყებულია სსკ-ის 276-ე მუხლის მე-2 ნაწილით.