აბაშაში აგრობაზრის მშენებლობა მიმდინარეობს

აბაშის მუნიციპალიტეტის სოფელ ქოლობნის ტერიტორიაზე, ცენტრალური ავტომაგისტრალის მიმდებარედ, აგრობაზრის მშენებლობა მიმდინარეობს. როგორც „ინტერპრესნიუსს“ აბაშის მუნიციპალიტეტიდან აცნობეს, სამუშაოების მიმდინარეობა დღეს აბაშის მუნიციპალიტეტის მერმა, ლევან მაკალათიამ, მერიის ინფრასტრუქტურის სამსახურის წარმომადგენლებთან ერთად დაათვალიერა.

მათივე ინფორმაციით, პროექტის ფარგლებში თანამედროვე სტანდარტების შესაბამისი სავაჭრო პავილიონი აშენდება, სადაც დასაქმდება ადგილობრივი მოსახლეობა, მათ შეეძლებათ, უსაფრთხო, კომფორტულ გარემოში გაყიდონ სოფლის მეურნეობის პროდუქტი. აღნიშნულ ობიექტზე განლაგდება სავაჭრო დახლები, მოეწყობა ავტოსადგომი. აგრობაზარი უზრუნველყოფილი იქნება წყალმომარაგებითა და ელექტროენერგიით, ასევე მოსასვენებელი სკამებით მგზავრებისთვის.

„აგრობაზართან მისასვლელი საავტომობილო გზა უსაფრთხო იქნება, როგორც მაგისტრალზე მოძრავი ავტოტრანსპორტისათვის, ასევე მოვაჭრეებისა და მგზავრებისათვის. პროექტი რეგიონული განვითარების პროგრამების ფონდიდან ფინანსდება, სამუშაოებს ასრულებს შპს „ჯი თი ჰოლდინგი“, - ნათქვამია ინფორმაციაში.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 15.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება