თორნიკე რიჟვაძე - ვამაყობ, რომ აჭარაში არ გვაქვს გაჩერებული პროექტები

აჭარის მთავრობის თავმჯდომარე თორნიკე რიჟვაძე დღეს უმაღლეს საბჭოში ანგარიშით წარსდგა. როგორც „ინტერპრესნიუსს“ აჭარის მთავრობიდან აცნობეს, თორნიკე რიჟვაძემ თავის გამოსვლაში აღნიშნა, რომ მიუხედავად იმ გამოწვევებისა, რომელიც მთელ საქართველოში არსებობდა კორონავირუსის პანდემიის გამო, რეგიონში არც ერთი მსხვილი ინფრასტრუქტურული პროექტი არ შეჩერებულა.

მათივე ცნობით, მთავრობის თავმჯდომარემ, გამოსვლაში ხაზი გაუსვა რეგიონში სამი ქალაქის მშენებლობის მნიშვნელობას და ამ პროექტების მიმდინარეობის დინამიურობაზე ისაუბრა.

„ვამაყობ, რომ არ გვაქვს გაჩერებული პროექტები მიუხედავად პანდემიისა. ჩვენ არ გაგვიჩერებია იმ სამი ქალაქის მშენებლობა, რომელიც დავიწყეთ დაახლოებით ერთი წლის წინ. ეს არის განათლების და მეცნიერების ქალაქი, რომელსაც, იმედი მაქვს, რომ წლის ბოლოს დავასრულებთ. ასევე, იცით, რომ ოცნების ქალაქის მშენებლობა დავიწყეთ თებერვლის თვეში და არც ერთი დღით არ გაჩერებულა მშენებლობა. პირველ ეტაპზე 580 ოჯახი დაკმაყოფილდება. ამის პარალელურად, მიმდინარეობდა მუშაობა კრიტერიუმებზე და პროცესის დასრულების შემდეგ ეს ინფორმაცია გახდება ყველასთვის ცნობილი. მესამე და არანაკლებ მნიშვნელოვანია კერძო საინვესიტიციო პროექტი, „მწვანე ქალაქი“ ქობულეთში, ყველა სანებართვო პროცედურა უკვე გავლილია და ამ ზაფხულში ძალიან მასშტაბურად დავიწყებთ სამუშაოებს. ეს პროექტი იქნება უპრეცედენტო როგორც ინვესტიციების მოცულობით, ასევე დატვირთვით და ტურისტული მნიშვნელობით“, - აღნიშნა თორნიკე რიჟვაძემ.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 15.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება