აზერბაიჯანში სპეციალური კარანტინის რეჟიმი 1-ელ ივლისამდე გახანგრძლივდა. შესაბამისი გადაწყვეტილება მინისტრთა კაბინეტთან არსებულმა ოპერატიულმა შტაბმა კორონავირუსის გამო ქვეყანაში შექმნილი სანიტარულ-ეპიდემიოლოგიური სიტუაციის გაანალიზების შემდეგ, ასევე ვირუსის გავრცელების და ინფიცირების დინამიკიდან გამომდინარე მიიღო.

ამასთან, კორონავირუსის დადასტურებული შემთხვევების მატებასთან დაკავშირებით, აზერბაიჯანის დედაქალაქ ბაქოსა და რამდენიმე ქალაქში საკარანტინე რეჟიმი დროებით მკაცრდება.

კონკრეტულად კი, 14 ივნისიდან 16 ივნისის დილის 6:00 საათამდე ყველა სფეროში, გარდა გადაუდებელი საჭიროებებისა, მუშაობა, მომსახურება, ვაჭრობა, საზოგადოებრივი ტრანსპორტისა და მანქანების მოძრაობა შეჩერდება. ახალი წესები იმოქმედებს შემდეგ ქალაქებში: ბაქოში, სუმგაითში, განჯაში, ლენქორანში, ასევე აფშერონის, ევლახის, ისმაილის, ქურდამირის და სალიანის რეგიონებში.

ბოლო მონაცემებით, აზერბაიჯანში კორონავირუსის დადასტურებული შემთხვევების რიცხვი 8 191-ს შეადგენს. მათგან 4 606 დაავადებული განიკურნა, 98 პაციენტის სიცოცხლე კი ლეტალურად დასრულდა.