აშშ-ში კორონავირუსის 24 773 ახალი შემთხვევა დადასტურდა და დაინფიცირებულების საერთო რაოდენობა 1 985 670-მდე გაიზარდა, - შესაბამის მონაცემებს „ჯონს ჰოპკინსის უნივერსიტეტი“ აქვეყნებს.

მათივე ინფორმაციით, ქვეყანაში კოვიდ 19-ს კიდევ 1 299 ადამიანის სიცოცხლე ემსხვერპლა და დაღუპულთა რიცხვმა 112 289-ს მიაღწია.

ცნობისათვის, მსოფლიოში კოვიდინფიცირებულთა რაოდენობამ 7.3 მილიონს, დაღუპულთა რიცხვმა კი - 413 000-ს გადააჭარბა.