პრემიერის განცხადებით, ტურისტების მისაღებად საქართველო მოლაპარაკებებს ბალტიისპირეთის ქვეყნებთან, პოლონეთთან, ჩეხეთთან და ავსტრიასთან მართავს

პრემიერ-მინისტრის გიორგი გახარიას განცხადებით, საერთაშორისო ტურისტების მისაღებად საქართველო მოლაპარაკებებს ბალტიისპირეთის ქვეყნებთან, პოლონეთთან, ჩეხეთთან და ავსტრიასთან მართავს. როგორც მან „ინტერპრესნიუსის“ კითხვის პასუხად აღნიშნა, გადაწყვეტილებები უახლოეს პერიოდში იქნება მიღებული.

„ჩვენ ასჯერ ვთქვით და კიდევ ერთხელ გავიმეორებთ, ამ კრიზისის ყველაზე დიდი პრობლემა და გამოწვევა არის არაპროგნოზირებადობა. ჩვენ ფაქტობრივად სამუშაო დონეზე ყველაფერი გვაქვს მზად. საქართველო ყველაფრისთვის არის მზად, იმისთვის, რომ მიიღოს ტურისტები, ოღონდ რა თქმა უნდა, მწვანე რეგიონებიდან, როგორც ჩვენ ვართ. ჩვენ ვართ „კოვიდისგან“ სუფთა ქვეყანა, იმიტომ რომ ვისწავლეთ და ვმართავთ ინფექციის განვითარებას, ვისწავლეთ მისი მკურნალობა, მისი გავრცელების რისკების შეფასება და აქ ჩვენ ერთ-ერთი საუკეთესო შედეგები გვაქვს. იმისთვის, რომ ჩვენ შევინარჩუნოთ ეს მიღწევები და პირველ რიგში, რისკის ქვეშ არ დავაყენოთ ჩვენი მოქალაქეების ჯანმრთელობა, უკიდურესად გონივრული და ფრთხილი ნაბიჯები უნდა გადავდგათ. კარგი მაგალითია ის გზა, რაც გავიარეთ ისრაელთან. ყველაფერი მზადაა ხელმოსაწერად, თუმცა ის ეპიდემიოლოგიური მდგომარეობა რაც გართულდა ისრაელთან, რა თქმა უნდა, დავსხედით და ვთქვით რომ ეს უნდა გადავდოთ,“ - განაცხადა გახარიამ.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო