თბილისის მერის მოადგილის, ირაკლი ბენდელიანის განცხადებით, პარლამენტის შენობის მიმდებარე ტერიტორიაზე სარეაბილიტაციო სამუშაოები ივლისის ბოლოს-აგვისტოს პირველ რიცხვებში დასრულდება.
მისივე თქმით, აღნიშნულ ტერიტორიაზე სამუშაოები აქტიურად მიმდინარეობს.
„დაგეგმილი გვაქვს ივლისის ბოლოს - აგვისტოს პირველ რიცხვებში მოხდეს მთლიანად სარეაბილიტაციო სამუშაოების დამთავრდება, რომელშიც იგულისხმება არამხოლოდ იმ ფილების დაგება, ასევე შესაბამისი თარგების მოწყობა, მთლიანად მიმდებარე არეალის განახლება, იქ არსებული შადრევნების კეთილმოწყობა და ა.შ.”- განაცხადა ბენდელიანმა.
რაც შეეხება ჭავჭავაძის ქუჩაზე მიმდინარე სარეაბილიტაციო სამუშაოებს, მერის მოადგილის თქმით, ივნისის თვის ბოლოს ძირითადი სარეაბილიტაციო სამუშაოები დასრულებული იქნება.
„ჩვენ ვართ ბოლო მონაკვეთზე გადასულები. მომდევნო კვირის ბოლოსთვის საგზაო სამუშაოები მთლიანად იქნება დასრულებული, დაახლოებით 20 რიცხვისთვის. ასევე, ტროტუარებზეც მიმდინარეობს ბუნებრივი ქვით მოპირკეთება. ივნისის თვის ბოლოს ძირითადი სამუშაოები დასრულებული იქნება”,- განაცხადა ბენდელიანმა.