რუსთავში ახალგაზრდა მამაკაცი დაჭრეს. არსებული ინფორმაციით, შემთხვევა ე.წ. ძველი ბაზრის ტერიტორიაზე მოხდა.
დაჭრილი რუსთავის ცენტრალურ საავადმყოფოშია გადაყვანილი. როგორც "ინტერპრესნიუსს" კლინიკაში განუცხადეს, მას ამ წუთებში ოპერაცია უტარდება.
ფაქტთან დაკავშირებით სხვა დეტალები უცნობია.
შსს-ში აცხადებენ, რომ მომხდარზე გამოძიება სსკ-ის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.