აჭარის მთავრობის სახლთან გარემოვაჭრეებმა გასაყიდი ნივთები მიიტანეს. გარემოვაჭრეები აქცია-პერფორმანსს მართავენ და მოითხოვენ აჭარის მთავრობის თავმჯდომარე თორნიკე რიჟვაძესთან შეხვედრას.
გარემოვაჭრეების თქმით, ისინი ძირითადად წერეთლისა და ავტოსადგურის ტერიტორიაზე იყვნენ დასაქმებული.
ავტოსადგურში მომუშავეები ამბობენ, რომ შენობა არასტრატეგიულ ადგილასაა და მუშაობას ვერ ახერხებენ. ასევე მოითხოვენ, რომ პანდემიის დროს ხელისუფლებამ მათ დაზარალებულის სტატუსი მიანიჭოს და ფულადი დახმარება გაუწიოს.
ცნობისთვის, გარემოვაჭრეებმა აღნიშნული მოთხოვნით აქცია გუშინაც გამართეს.