მამუკა ბახტაძე დანიშვნის დღიდან პრემიერ-მინისტრი რომ არ იყო, ეს ფაქტი იყო, ახლა თუ აპირებენ, დეპუტატი ისე გახადონ, რომ თვითონ არ გაიგოს, ეს შეიძლება დავიჯროთ,- ამის შესახებ დეპუტატმა დავით ჭიჭინაძემ ჟურნალისტებს განუცხადა, რითაც უპასუხა კითხვას, რამდენად არის მოსალოდნელი „ოცნების“ საარჩევნო სიის პირველ ნომრად საზოგადოებამ მამუკა ბახტაძე იხილოს.

ჭიჭინაძის თქმით, ყოფილმა პრემიერმა ბოლომ გაიგო, რომ მთავრობის მეთაური აღარ იყო.

"ბახტაძე ამ ქვეყნის პრემიერ-მინისტრი იყო და ვფიქრობ, ისე გაუშვეს, ალბათ, თვითონ გაიგო ყველაზე ბოლომ, რომ პრემიერ-მინისტრი აღარ იყო. ის დანიშვნის დღიდან პრემიერ-მინისტრი რომ არ იყო, ეს ფაქტი იყო. ახლა თუ აპირებენ, დეპუტატი გახადონ ისე, რომ თვითონ არ გაიგოს, ეს შეიძლება დავიჯეროთ. ისე, "ქართული ოცნებიდან" ყველაფერი არის დასაჯერებელი,იმიტომ, რომ რაც უფრო მორჩილი კადრებით იქნება დაკომპლექტებული, მით უფრო ბედნიერი იქნება ივანიშვილი, დამიჯერეთ",- განაცხადა ჭიჭინაძემ