კელი დეგნანი გორში იმყოფებოდა, სადაც ქალაქის მერს შეხვდა

ამერიკის ელჩი საქართველოში, კელი დეგნანი გორში იმყოფებოდა, სადაც ქალაქის მერს კონსტანტინე თავზარაშვილს შეხვდა. ამის შესახებ „ინტერპრესნიუსს“ გორის მერიიდან აცნობეს.

მათი ინფორმაციით, შეხვედრა გაცნობითი ხასიათის იყო, სადაც მერმა სტუმარს აშშ-ს მიერ გორის მუნიციპალიტეტში დაფინანსებული მსხვილი ინფრასტრუქტურული პროექტები გააცნო და ამერიკასთან თანამშრომლობის მნიშვნელობაზე ისაუბრა.

,,ჩემი პირველი ვიზიტი თბილისის გარეთ, საქართველოს რეგიონებში გორის მუნიციპალიტეტში განვახორციელე. მოხარული ვარ და ვიმედოვნებ, რომ ჩვენი თანამშრომლობა გორთან კვლავაც აქტიურად გაგრძელდება,“ - განაცხადა ამერიკის შეერთებული შტატების ელჩმა საქართველოში კელი დეგნანმა.

შეხვედრის ბოლოს ამერიკის ელჩმა კელი დეგნანმა და გორის მერმა კონსტანტინე თავზარაშვილმა თანამშრომლობის გაგრძელებაზეც ისაუბრეს და სიმბოლური საჩუქრები გაცვალეს.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე