გორში, მაღაზია „ემბავუდის“ თანამშრომლის „კოვიდ 19“-ით ინფიცირების წყარო უცნობია, მასთან კონტაქტში მყოფი 8 პირი თვითიზოლაციაში იმყოფება

„ემბავუდის“ მაღაზიათა ქსელის გორის ფილიალის ინფიცირებულ მენეჯერთან კონტაქტში მყოფი 8 პირი თვითიზოლაციაში იმყოფება, - ეს განცხადება დაავადებათა კონტროლის ცენტრის შიდა ქართლის ოფისის ხელმძღვანელმა ეკა ქორჩაშვილმა ,,ინტერპრესნიუსთან“ გააკეთა. ქორჩაშვილის ინფორმაციით, 47 წლის ქალმა კლინიკას 31 მაისს მიმართა, სადაც ბრონქიტის დიაგნოზით 3 დღის განმავლობაში უტარდებოდა მკურნალობა, 3 ივნისს კი სტაციონარი დატოვა.

„აღნიშნულმა პირმა ბრონქიტის ნიშნებით 31 მაისს მიმართა ვ. ბოჭორიშვილის სახელობის კლინიკას. სამედიცინო დაწესებულებაში შეყვანისას ჩატარებული ტესტირებისას მას კორონავირუსი არ დაუდასტურდა. მკურნალობა უტარდებოდა 3 დღის განმავლობაში, 3 ივნისს კი სტაციონარი დატოვა, თუმცა, რამდენიმე დღეში მდგომარეობა გაურთულდა და კლინიკას კვლავ მიმართა. გუშინ, 11 ივნისს კიდევ ერთხელ ჩატარებული ტესტირების შედეგად დაუდასტურდა კოვიდინფიცირება. დადგენილია ამ პირთან კონტაქტში მყოფთა წრე, 8 ადამიანს მიეცა თვითიზოლაციის რეკომენდაცია, პარალელურად, გორის საზოგადოებრივი ჯანდაცვის თანამშრომლებთან ერთად, ინტენსიურ რეჟიმში მიმდინარეობს ღრმა ეპიდკვლევა. მიმდინარეობს ნიმუშების აღება და გადაიგზავნება ლუგარის ცენტრში“, - განაცხადა დაავადებათა კონტროლის ცენტრის შიდა ქართლის ოფისის ხელმძღვანელმა.

ამ დროისთვის, „ემბავუდის“ გორის მაღაზიის თანამშრომლის დაინფიცირების წყარო უცნობია.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 16.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
HOUSE.GE - ახალი პლატფორმა მშენებარე და ახალაშენებული ბინებისთვის
"გალფში" საზაფხულო გათამაშება დაიწყო
WWW.TIME.GE – საათებისა და სამკაულების ახალი ინტერნეტ მაღაზია
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება