ირაკლი ღარიბაშვილი - ჩემი დევიზია „ყველაფერი საუკეთესო ჯარს“

საქართველოს თავდაცვის მინისტრმა ირაკლი ღარიბაშვილმა პარლამენტში, „მინისტრის საათის“ ფორმატში გამოსვლისას განმარტა, თუ რატომ შეიძინა უწყებამ ჩოხები.

მისი თქმით, ეროვნულ გვარდიას სპეციალური დანაყოფი ჰყავს, რომელიც სპეციალურ ღონისძიებებსა და სპეციალურ ცერემონიალებში მონაწილეობს, მათ შორის უმაღლესი რანგის სტუმრების ვიზიტების დროს დახვედრის ორგანიზებაში.

ამასთან, როგორც ირაკლი ღარიბაშვილი აღნიშნავს, თავდაცვის სამინისტროს ბოლო 7 წლის მანძილზე ჩოხები არ გამოუცვლია.

„რისთვის შეიძინა ჩოხები თავდაცვის სამინისტრომ - მოგეხსენებათ, ეროვნულ გვარდიას ჰყავს სპეციალური დანაყოფი, რომელიც სპეციალურ ღონისძიებებსა და სპეციალურ ცერემონიალებში მონაწილეობს, მათ შორის ეს დანაყოფი უმაღლესი რანგის სტუმრების ვიზიტების დროს დახვედრის ორგანიზებაში მონაწილეობს. ამას გარდა, ჩვენი საამაყო გმირების, სხვადასხვა ცერემონიალების დროს ხდება ამ დანაყოფის გამოყენება და მოგეხსენებათ, ბოლო 7 წლის განმავლობაში ეს ჩოხები არ გამოგვიცვლია. აღნიშნულის გათვალისწინებით, ცოტა მეუხერხულება ამ თემაზე განმარტების გაკეთება, იმდენად წვრილმანი საკითხია, მაგრამ საზოგადოებისთვის კიდევ ერთხელ განვმარტავთ, რომ ეს იყო ეროვნული გვარდიისთვის. ჩემი დევიზი გახლავთ - „ყველაფერი საუკეთესო ჯარს“. ჩემი დავალება გუნდისთვის არის შემდეგი, რომ ყველაფერი საუკეთესო უნდა ვიყიდოთ ჩვენი ჯარისთვის“,-განაცხადა ღარიბაშვილმა.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს