ავღანეთის დედაქალაქ ქაბულის ერთ-ერთ მეჩეთში მომხდარი ძლიერი აფეთქების შედეგად დაიღუპა ოთხი და დაშავდა რამდენიმე ადამიანი, - ამის შესახებ ინფორმაციას ავღანეთის შინაგან საქმეთა სამინისტრო ავრცელებს.

„შერ შაჰ სურის მეჩეთში განთავსებული ასაფეთქებელი მოწყობილობა პარასკევის ლოცვის დროს ამოქმედდა,“- აღნიშნულია სამინისტროს მიერ გავრცელებულ განცხადებაში.

მათივე ინფორმაციით, დაღუპულთა შორის მეჩეთის ლიდერი აზიზულა მოფლეცაა.

მომხდარზე პასუხისმგებლობა ჯერჯერობით არავის აუღია.