თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, გივი ჟვანიას სახელობის პედიატრიული კლინიკის თანამშრომელს კორონავირუსი დაუდასტურდა.

როგორც ეზუგბაიამ ჟურნალისტებს განუცხადა, ინფიცირებული პაციენტი არასამედიცინო პერსონალია.

„ჩემთვისაც ცნობილია, რომ ჟვანიას კლინიკის ერთი თანამშრომელი დაინფიცირდა, ოღონდ არასამედიცინო პერსონალია. აქედან გამომდინარე, მისი ინფიცირების წყარო შეიძლება არ იყოს ჟვანიას კლინიკა და იყოს გარეთ”, - განაცხადა ეზუგბაიამ.

მისივე თქმით, ეს პაციენტი ინფექციურში არ არის მოთავსებული.