ფოთში, ლაბორატორიული კვლევის შედეგად 59 მებაჟეს კორონავირუსი არ დაუდგინდა.

,,ფოთიდან ზუგდიდის ინფექციური საავადმყოფოს ლაბორატორიაში „პისიარ“ კვლევისთვის გაგზავნილი 59 მებაჟის ანალიზის პასუხები ცნობილია. ,,კოვიდ 19" არც ერთ მათგანს არ დაუდგინდა. აღნიშნული კვლევა გეგმურია და პრევენციული მიზნით ხორციელდება. ამჟამად გაგზავნილი გვაქვს 34 მებაჟის ნიმუში. ვიმედოვნებთ, რომ ყველა ანალიზის პასუხი უარყოფითი იქნება“, – განაცხადა საზოგადოებრივი ჯანდაცვის ცენტრის დირექტორმა, ნანა მხეიძემ.