ჩინეთში საწვავის გადამტანი სატვირთოს აფეთქების შედეგად გარდაცვლილთა რიცხვი 20-მდე გაიზარდა. „როიტერის“ ინფორმაციით, დაშავებულია 170-ზე მეტია ადმიანი, რომელთაც მკურნალობა უტარდებათ.

შემთხვევა შაბათს, ადგილობრივი დროით დაახლოებით 17:00 საათზე მოხდა. თხევადი საწვავით სავსე სატვირთო ჯეძიანის პროვინციაში, ქალაქ ვენლინთან ახლოს ავტომაგისტრალზე აფეთქდა.

მომდევნო აფეთქება კი მაშინ მოხდა, როცა ცეცხლმოდებული სატვირთო მაგისტრალთან მდებარე შენობაში შევარდა. აფეთქებამ რამდენიმე საცხოვრებელი სახლის ნგრევა გამოიწვია. შესაძლოა მსხვერპლთა რიცხვი კიდევ გაიზარდოს, რადგან ნანგრევებში მოყოლილთა სამაშველო ოპერაცია გრძელდება.

აფეთქების მიზეზს სამართალდამცველები იძიებენ. სამაშველო ოპერაციაში 2 600 ადამიანი ჩაერთო.