ფოთის სანაპირო ზოლში ზღვის წყლის ხარისხობრივი მაჩვენებელი ნორმის ფარგლებშია. ლაბორატორიულმა კვლევის ცენტრმა დაახლოებით ორი კვირის წინ, ზღვის წყლის სინჯი ოთხი სხვადასხვა ადგილიდან აიღო.

მათივე ცნობით, მთელი სეზონის განმავლობაში ზღვის ხარისხობრივი მაჩვენებლის მონიტორინგი პერიოდულად განხორციელდება.

„ზღვის სანაპირო ზოლში ოთხი სხვადასხვა ადგილიდან ავიღეთ ნიმუშები, ეს არის მალთაყვის ძველი და ახალი, ე.წ. გრეიფრუტის და კუნძულის უბნის პლიაჟები. ზღვის წყალს, როგორც მიკრობიოლოგიური, ასევე ქიმიურ მაჩვენებლებზე ანალიზი ჩაუტარდა . უსაფრთხოა ჩვენი ზღვა. მსგავსი კვლევა თვეში ორჯერ, ორი კვირის ინტერვალით განხორციელდება “ , - განაცხადა ლაბორატორიული კვლევის ცენტრის დირექტორმა გია რუხაძემ.