გორის სამხედრო ჰოსპიტალში საკარანტინო რეჟიმი შენარჩუნდა

საქართველოს თავდაცვის სამინისტროს გორის სამხედრო ჰოსპიტალში საკარანტინო რეჟიმი შენარჩუნდა.

დღეიდან, 15 ივნისიდან, ჰოსპიტალი მუშაობის ჩვეულ რეჟიმზე უნდა გადასულიყო. ამის თაობაზე უწყებამ ინფორმაცია 12 ივნისს გაავრცელა, თუმცა, შექმნილი ეპიდემიოლოგიური მდგომარეობიდან გამომდინარე, სამედიცინო დაწესებულება კვლავ საგანგებო პირობებით განაგრძობს მუშაობას.

გორის სამხედრო ჰოსპიტალის საზოგადოებასთან ურთიერთობის სამსახურის ინფორმაციით, დღეს დილიდან განაახლეს მულტიპროფილური მომსახურება, თუმცა, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის შესაბამისი ბრძანების საფუძველზე, ჰოსპიტალში კვლავ საკარანტინო პირობები ამოქმედდა.

უწყების მიერ ცოტა ხნის წინ გავრცელებული ინფორმაციის თანახმად, გიორგი აბრამიშვილის სახელობის საქართველოს თავდაცვის სამინისტროს გორის სამხედრო ჰოსპიტალი სრულ სამედიცინო მომსახურებას 2020 წლის 1 ივლისიდან განაახლებს.

გორის სამხედრო ჰოსპიტალი საკარანტინო ზონად 2020 წლის 28 თებერვლიდან გამოცხადდა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ