ქუთაისში, რამდენიმე ქუჩაზე გზის სავალი ნაწილის, ტროტუარების, სანიაღვრე სისტემის და დამცავი კედლების შეკეთება ერთდროულად მიმდინარეობს.

როგორც „ინტერპრესნიუსს“ ქუთაისის მერიიდან აცნობეს, მერის მოვალეობის შემსრულებელმა დავით ერემეიშვილმა და ქალა-მუზეუმის მაჟორიტარმა დეპუტატმა გიორგი ჭეიშვილმა კიბულას ქუჩის მესამე შესახვევში მიმდინარე სამუშაოები დაათვალიერეს.

მათივე ინფორმაციით, აღნიშნულ ქუჩაზე განახლდება სავალი ნაწილი, ფეხით მოსიარულეთა ნაწილზე დაიგება ბეტონის მონოლითური საფარი, მწვანეყვავილას ქუჩის კვეთასთან და მოსახლეობის ეზოებთან შეკეთდება საყრდენი და დამცავი კედლები, მოწესრიგდება სანიაღვრე სისტემა. სამუშაოებს ტენდერში გამარჯვებული შპს „ჯთბ გოლდენ ეიჯ“ ასრულებს.