მოსკოვის საქალაქო სასამართლომ ყოფილი ამერიკელი საზღვაო ქვეითი პოლ ველანი რუსეთის წინააღმდეგ ჯაშუშობაში ბრალდებულად ცნო და 16-წლიანი პატიმრობა მიუსაჯა, - ინფორმაციას ამის შესახებ „ევრონიუსი“ ავრცელებს. რუსეთში აშშ-ის საელჩო ველანის წინააღმდეგ გამოტანილ განაჩენს სოციალურ ქსელ „ტვიტერში“ გამოეხმაურა და სასამართლო პროცესს „უსამართლო“ უწოდა.

„სამართლიანი და გამჭირვალე? არა. მტკიცებულება წარმოადგინეს? - არა. მსოფლიო ამას თვალყურს ადევნებს,“ - ნათქვამია საელჩოს მიერ გავრცელებულ განცხადებაში.

პოლ ველანი, რომელიც აშშ-სა და დიდი ბრიტანეთის მოქალაქეა, რუსეთის ერთ-ერთ სასტუმროში 2018 წლის 28 დეკემბერს დააკავეს.