აჭარის მთავრობა სეტყვით დაზარალებულ მოსახლეობას დაეხმარება

ძლიერმა სეტყვამ ქედის და შუახევის მუნიციპალიტეტებში რამდენიმე სოფელი დააზარალა. აჭარის მთავრობის ინფორმაციით, აჭარის მთავრობის თავმჯდომარე თორნიკე რიჟვაძე სოფლებში შექმნილ ვითარებას ადგილზე გაეცნო და დაზარალებულ მოსახლეობას შეხვდა.

თორნიკე რიჟვაძის თქმით, კომისიის წევრები ერთი კვირის ვადაში დაითვლიან ზარალს და მთავრობა ყველაფერს გააკეთებს მოსახლეობის დასახმარებლად.

„გუშინ, ძლიერმა სეტყვამ დააზარალა ჩვენი მოსახლეობა, განსაკუთრებით ქედის და შუახევის მუნიციპალიტეტებში. სოფლის მეურნეობის სამინისტროს, მინისტრს და ასევე თვითმმართველობის ხელმძღვანელებს მიეცათ შესაბამისი დავალება, რომ ოპერატიულად, დაახლოებით 1 კვირის განმავლობაში შეძლონ დაითვალონ ის კონკრეტული ზარალი, რომელიც მოსახლეობას მიადგა. კომისიის შედეგების შესაბამისად, მთავრობაში ვიმსჯელებთ და ყველაფერს გავაკეთებთ, რომ მოსახლეობას მაქსიმალურად დავეხმაროთ როგორც კომპენსაციის, ასევე მოსავლის მიღების ნაწილში“,- აღნიშნა თორნიკე რიჟვაძემ.

ქედისა და შუახევის სოფლებში სტიქიამ ერთწლოვანი კულტურები გაანადგურა. დაზიანდა თამბაქოს ნარგავები, ხეხილი, ბოსტნეული და ვენახი. შეიქმნა სტიქიის შედეგად დაზარალებული ფერმერების მდგომარეობის შემსწავლელი კომისია, რომელშიც ჩართული არიან აჭარის სოფლის მეურნეობის სამინისტროს წარმომადგენლები. კომისიამ საველე შესწავლა დღეს დაიწყო და ზარალის ოდენობა უახლოეს დღეებში გახდება ცნობილი.

აჭარის მთავრობის თავმჯდომარესთან ერთად დაზარალებულ სოფლებში აჭარის სოფლის მეურნეობის მინისტრი ტიტე აროშიძე და შუახევის და ქედის მუნიციპალიტეტების მერები იმყოფებოდნენ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ