რამდენიმე თვეა გიორგი გაბუნია არის სასიკვდილო საფრთხის ქვეშ ამ დროისთვის სამყაროს ნომერ პირველი ტერორისტის, ვლადიმერ პუტინის მთავარი ტერორისტული დასაყრდენის კადიროვის შეკვეთით , - ამის შესახებ „მთავარი არხის“ გენერალურმა დირექტორმა ნიკა გვარამიამ ბრიფინგზე განაცხადა.
გვარამიამ ურაინისა და საქართველოს სამართალდამცავებს მოუწოდა საქმესთან დაკავშირებით მაქსიმალური ინფორმაცია გაასაჯაროონ.
„რამდენიმე თვეა ტელევიზიის ერთ-ერთი მთავარი სახე და ჩემი მოადგილე, არა მხოლოდ ჟურნალისტი, არამედ ამ არხის კრეატიული დირექტორი არის სასიკვდილო საფრთხის ქვეშ ამ დროისთვის სამყაროს ნომერ პირველი ტერორისტის, ვლადიმერ პუტინის მთავარი ტერორისტული დასაყრდენის კადიროვის შეკვეთით. ნებისმიერი ზიანი, რომელიც მიადგება ამ არხის ნებისმიერ თანამშრომელს არის ამ ქვეყნის ხელისუფლების პასუხისმგებლობა. მოვუწოდებ ქართველ და უკრაინელ სამართალდამცავებს, მაქსიმალურად საჯარო გახადონ ის ინფორმაცია, რომელიც შესაძლოა, რომ გასაჯაროვდეს ამ დროისთვის; მაქსიმალურად ლიბერალურად მიუდგნენ გასაჯაროების საკითხს, რადგან ეს საჯარო ინტერესი უფროა, ვიდრე პრესსამსახურების. რადგან არც უკრაინის და არც საქართველოს სპეცსამსახურების ძალა რუსეთის ტერორიზმთან შედარებით არ არის ისეთი ძლიერი, როგორიც შეიძლება ეს იყოს საჯაროობა“, - განაცხადა გვარამიამ.