გიორგი გაბუნია - კადიროვის განცხადების შემდეგ, საზღვარგარეთ ვიყავი და  შემომითვალეს - „ფრთხილად იყოს ეგ ადამიანი საზღვარგარეთ რომ დაბოდიალობს, მანდაც ძალიან ადვილია მაგის პოვნაო“, ეს ჯერ კიდევ აგვისტოში იყო

„მთავარი არხის“ ჟურნალისტის, გიორგი გაბუნიას განცხადებით, გავრცელებული ინფორმაცია, რომ მას უთვალთვალებდნენ და საფრთხე ემუქრებოდა, დაახლოებით ერთი თვის წინ გაიგო.

როგორც გაბუნიამ „ღამის მთავარში“ საუბრისას განაცხადა, თვალთვალი მისმა დაცვის წევრებმა ჟურნალისტის საცხოვრებელ სახლთან შეამჩნიეს.

„აქ არ არის გაბუნია მხოლოდ პრობლემა. ამ ერთი ადამიანის დაკავებით ეს პრობლემა არ ამოიწურა. სამწუხაროდ, სანამ პუტინი ცოცხალი იქნება, ეს საფრთხეც იარსებებს ბოლომდე. სიმპტომი გვაჩვენებს რა მდგომარეობაშია ჩვენი ქვეყანა. არც მაშინ ვნანობდი და არც ახლა ვნანობ ეს განცხადება რომ გავაკეთე, ამან ბევრი რამის ლუსტრაცია აჩვენა. დღეს კიდევ ერთხელ მოხდა დემონსტრირება, რა მდგომარეობაში ვართ, საერთოდ რა ქვეყანა ვართ და რა ქვეყანასთან ვცდილობთ ურთიერთობის დალაგებას. ჟურნალისტი გამოდის, ვინც არ უნდა იყოს, გიჟი ვარ, არასწორი გავაკეთე და ა.შ. ვთქვი ჩემი აზრი, დამოკიდებულება და გვერდით სახელმწიფო მკვლელს აგზავნის, რომ ჩემი ლიკვიდაცია მოახდინოს. სად ვართ საერთოდ და რა მდგომარეობაში? როგორ შეიძლება ამის მერე რუსეთთან რაიმე მოლაპარაკებაზე საუბარი, როდესაც სახელმწიფო შუასაუკუნეობრივი მეთოდებით მოქმედებს.

მე ეს არ დამიფიქსირებია, გვერდით რომ მითვალთვალებდეს ვინმე, ამას ვერც შევამჩნევ, თუ რამე თავში არ ჩამარტყეს. ეს ჩემმა დაცვამ შეამჩნია. რა თქმა უნდა, არ გამოპარვიათ, რომ რაღაც საეჭვო მანქანები, საეჭვო ადამიანები განსაკუთრებით ჩემს საცხოვრებელ სახლთან ტრიალებდნენ. მიხვდნენ, რომ ხდებოდა თვალთვალი. ბოლო თვეს მითხრეს, რომ გიორგი, საეჭვო ადამიანები ტრიალებენ შენს გარშემო და ფრთხილად იყავი. მანამდე მოიმატა დაცვის რაოდენობამ. მძიმეა ეს ძალიან, მაგრამ ვიცოდი, რომ თეორიულად შესაძლებელი იყო, რომ სადღაც ვიღაც დადიოდა, ვისაც ჩემი მოკვლა უნდა. ეს მარტივი არ არის, მაგრამ იძულებული ხარ, ამას შეეგუო და შეეჩვიო. მაგრამ გასაკვირი ამაში არაფერი იყო. კადიროვის განცხადების შემდეგ, საზღვარგარეთ ვიყავი და ნიკას საშუალებით შემომითვალეს - „ფრთხილად იყოს ეგ ადამიანი საზღვარგარეთ რომ დაბოდიალობს, მანდაც ძალიან ადვილია მაგის პოვნაო“, ეს ჯერ კიდევ აგვისტოში იყო და თითქმის ერთი წელი გავიდა, აქამდე არაფერი ვიცოდი“, - განაცხადა გაბუნიამ და სპეცოპერაციისთვის უკრაინელ და ქართველ სამართალდამცავებს, მადლობა გადაუხადა.

ცნობისთვის, სახელმწიფო უსაფრთხოების სამსახურის მიერ გავრცელებულ ინფორმაციით, ქავთარაძის ქუჩაზე ჩატარებული სპეცოპერაციის შედეგად, ვ.ბ.-ს დაკავება განხორციელდა შეკვეთით განზრახ მკვლელობის მომზადების ფაქტზე დაწყებული სისხლის სამართლის საქმის გამოძიების ფარგლებში. უწყება მოუწოდებს, ყველა პირს, მათ შორის, სისხლის სამართლის საქმის მხარეს, თავი შეიკავონ ნებისმიერი სახის, დაზუსტებული თუ დაუზუსტებელი ინფორმაციის გავრცელებისაგან.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას