თენგიზ ცერცვაძის განმარტებით, აშშ-ის სურსათისა და წამლის ადმინისტრაციას „პლაქვენილის“ და „ქლოროქინის“ გამოყენება არ აუკრძალავს, არამედ გასცეს რეკომენდაცია, რომ კლინიკური კვლევების გარეშე არ გამოიყენონ

თბილისის ინფექციური საავადმყოფოს გენერალური დირექტორი თენგიზ ცერცვაძე აშშ-ის სურსათისა და წამლის ადმინისტრაციის მიერ მიღებულ გადაწყვეტილებას გამოეხმაურა, რომელმაც COVID-19-ის მკურნალობისთვის მედიკამენტების - „ჰიდროქსიქლოროქინისა“ (პლაქვენილი) და „ქლოროქინის“ საგანგებო შემთხვევებში გამოყენების ნებართვა გააუქმა.

როგორც თენგიზ ცერცვაძემ „ინტერპრესნიუსს“ განუცხადა, აშშ-ის სურსათისა და წამლის ადმინისტრაციას აღნიშნული მედიკამენტების გამოყენება კი არ აუკრძალავს, არამედ გასცეს რეკომენდაცია, რომ კლინიკური კვლევების გარეშე არ გამოიყენონ.

„ჰიდროქსიქლოროქინი“ („პლაქვენილი“) პირველი მედიკამენტი იყო, რომელზეც გაიცა რეკომენდაცია, რომ საგანგებო მდგომარეობაში კლინიკური კვლევის გარეშე გამოყენებულიყო. მეორე წამალი, რომელზაც ზუსტად ასეთი რეკომენდაცია გასცეს, „რემდესივირი“ იყო. სხვა არცერთ მედიკამენტს ასეთი რეკომენდაცია არ ჰქონია, რომ კლინიკური კვლევის გარეშე გადაუდებელ შემთხვევებში გამოეყენებინათ. როგორც ამჟამად აშშ-ის სურსათისა და წამლის ადმინისტრაციის მიერ გავრცელებულ ინფორმაციაშია ნათქვამი, ვინაიდან კლინიკური კვლევები გრძელდება და მათი შედეგები ჯერ არ არის ცნობილი, ვეღარ ხედავენ საჭიროებას, რომ კლინიკური კვლევის გარეშე, გადაუდებელ შემთხვევებში გამოიყენონ. ანუ, მათ კი არ აკრძალეს აღნიშნული მედიკამენტის გამოყენება, კლინიკური კვლევების გარეშე არ გამოიყენოთო“,-აცხადებს ცერცვაძე.

მისი განმარტები, საქართველოში აღნიშნულ მედიკამენტებს იყენებდნენ, რადგან ნებადართული იყო.

„ჩვენ ამ პრეპარატებს კლინიკურ კვლევებში და კვლევების გარეთაც ვიყენებდით, ვინაიდან ნებადართული იყო. ახლა ჯანმრთელობის მსოფლიო ორგანიზაციის დიდ საერთაშორისო კვლევაში ვმონაწილეობთ, რომელსაც „სოლიდარობის კვლევა“ ჰქვია. აღნიშნულ კვლევაში შედის „პლაქვენილი“. ასე, რომ ჩვენ ამ კლინიკური კვლევის ფარგლებში კვლავ გამოვიყენებთ, თუმცა კლინიკური კვლევის ფარგლებს გარეთ არა.

28 მარტს ამერიკის წამლისა და საკვები პროდუქტების სააგენტომ გასცა რეკომენდაცია, რომ „ჰიდროქსიქლოროქინი“ გადაუდებელ შემთხვევაში და ჰოსპიტალიზებულ პაციენტებში კლინიკური კვლევის გარეშეც გამოეყენებინათ. ეს ნებართვა დღემდე ძალაში იყო. ასეთი ნებართვა სულ ორ წამალზე იყო გაცემული „ჰიდროქსიქლოროქინსა“ და „რემდესივირზე". სხვა მედიკამენტებზე ასეთი ნებართვა არ გაცემულა. ახლა აშშ-ის სურსათისა და წამლის ადმინისტრაციამ აღნიშნა, რომ ვინაიდან აღნიშნული მედიკამენტით კვლევა ბევრ კლინიკურ კვლევაში გრძელდება, აღარ ვთვლით მიზანშეწონილად მის გამოყენებას გადაუდებელ შემთხვევებში კლინიკური კვლევის გარეშეო და კლინიკური კვლევის გარეშე მისი გამოყენება ამოიღო. კლინიკური კვლევის ფარგლებში მისი გამოყენება გრძელდება. მსოფლიოში 10-ზე მეტი კლინიკური კვლევა მიმდინარეობს და ასეთ შემთხვევაში გაგრძელდება, მათ შორის საქართველოში, კლინიკური კვლევების ფარგლებში გამოყენებული იქნება“,-აცხადებს თენგიზ ცერცვაძე.

ცნობისთვის, აშშ-ის სურსათისა და წამლის ადმინისტრაციამ (FDA) COVID-19-ის მკურნალობისთვის მედიკამენტების - „ჰიდროქსიქლოროქინისა“ და „ქლოროქინის“ საგანგებო შემთხვევებში გამოყენების ნებართვა გააუქმა.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას