დიმიტრი გვრიტიშვილი - ანა დოლიძე ახორციელებს კანონსაწინააღმდეგო საქმიანობას, რომელიც შეუთავსებელია იუსტიციის საბჭოს წევრობასთან და მან ეს თანამდებობა უნდა დატოვოს

იუსტიციის უმაღლესი საბჭოს მოსამართლე წევრი დიმიტრი გვრიტიშვილი არასამთავრობო სექტორისა და ანა დოლიძის მიერ „დადგმულ ცირკს“ უწოდებს იმ განცხადებას, რომლის მიხედვითაც შვიდმა არასამთავრობო ორგანიზაციამ იუსტიციის უმაღლესი საბჭოს არამოსამართლე წევრს, ანა დოლიძეს მოუწოდა, რომ თუ მომავალში პოლიტიკურ საქმიანობას აპირებს, თანამდებობა დატოვოს. ამ შეფასების საფუძვლად მოსამართლე წევრმა დაასახელა ის, რომ ანა დოლიძემ არასამთავრობო ორგანიზაციების საპასუხო ბრიფინგი იუსტიციის საბჭოდან გამართა, „რითაც, ის მათ მადლობას უხდის“.

„მინდა გამოვეხმაურო არასამთავრობო სექტორის და ანა დოლიძის მიერ დადგმულ გუშინდელ ცირკს და შოუს, რომელიც პინგ-პონგის შოუს დაემსგავსა და რითაც კიდევ ერთხელ დადასტურდა, რომ ე.წ. არასამთავრობო სექტორი სუფთა, სრულფასოვანი „კლანის“ სახითაა ჩამოყალიბებული, რომელსაც ხელმძღვანელობს ეკა გიგაური. ფაქტობრივად, მწვანე შუქს უნთებს ანა დოლიძეს, აძლევს ინდულგენციას იმისათვის, რომ მან განაგრძოს კანონსაწინააღმდეგო საქმიანობა. ჩემთვის გარკვეულწილად მოულოდნელიც იყო ნაზი ჯანეზაშვილის პოზიცია, რომ ანა დოლიძის საქმიანობა გასცდა იმ ფარგლებს, რაც დაწესებულია იუსტიციის უმაღლესი საბჭოს წევრისათვის, სასამართლო ხელისუფლების წარმომადგენლისთვის და ცალსახად ჩამოყალიბებულია, როგორც პოლიტიკოსი. დავეთანხმები გიორგი მიქაუტაძეს, იმაში, რომ აბსოლუტურად ქარწყლდება 2013 წელს რეფორმით დამდგარი შედეგი, როცა პოლიტიკოსები გავიდნენ საბჭოს შემადგენლობიდან. ამით პოლიკური შემადგენელი მოისპო იუსტიციის საბჭოს შემადგენლობაში“, - განაცხადა გვრიტიშვილმა.

დიმიტრი გვრიტიშვილი მიიჩნევს, რომ ანა დოლიძემ იუსტიციის უმაღლესი საბჭოს არამოსამართლე წევრის თანამდებობა უნდა დატოვოს.

ანა დოლიძემ, მას შემდეგ რაც დააფუძნა ე.წ. საზოგადოებრივი მოძრაობა, რომელიც სინამდვილეში საჯაროდ გაცხადებული საარჩევნო მიზნის მქონე ორგანიზაცია და უკვე პოლიტიკური სუბიექტია, ცალსახად ახორციელებს კანონსაწინააღმდეგო საქმიანობას, რომელიც აბსოლუტურად შეუთავსებელია იუსტიციის უმაღლესი საბჭოს წევრობასთან და მან ეს თანამდებობა უნდა დატოვოს. იმ მიმართვას, რომელიც პრეზიდენტისთვის არის გაგზავნილი, ვეთანხმები მე პირადად და საბჭოს სხვა წევრებიც ეთანხმებიან“, - განაცხადა გვრიტიშვილმა.

ცნობისთვის, 7 არასამთავრობო ორგანიზაცია იუსტიციის უმაღლესი საბჭოს არამოსამართლე წევრს, ანა დოლიძეს მოუწოდებს, თუ ის მომავალში აქტიურ პოლიტიკურ საქმიანობას აპირებს, თანამდებობა დატოვოს.

NGO-ები აღნიშნავენ, რომ დოლიძის მხრიდან აქტიურ პოლიტიკაში ჩართვა მის მიერ ამჟამად დაკავებულ თანამდებობასთან შეუთავსებელია.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა