ლაგოდეხის სოფლების - ჭიაურის, ჰერეთის კარისა და თამარიანის უწყვეტი წყლის მიწოდებისთვის ახალი ჭაბურღილი აშენდება

ლაგოდეხის მუნიციპალიტეტის სოფლების - ჭიაურის, ჰერეთის კარისა და თამარიანის მოსახლეობის წყალმომარაგების გაუმჯობესების მიზნით ახალი ჭაბურღილი აშენდება. ამის შესახებ “ინტერპრესნიუსს” წყალმომარაგების კომპანიიდან აცნობეს.

მათი ცნობით, შედეგად, აღნიშნულ სოფლებში მცხოვრებ 1200-მდე ადამიანს წყალმცირობის სეზონზე, დებიტის სიმცირით გამოწვეული წყალმომარაგების პრობლემები საბოლოოდ მოუგვარდება.

“შესაბამისი სამუშაოების ჩასატარებლად, საქართველოს გაერთიანებული წყალმომარაგების კომპანიამ გამოცხადებული ტენდერი დაასრულა. გამარჯვებულ კომპანიასთან ხელშეკრულება რამდენიმე დღეში გაფორმდება. პროექტით გათვალისწინებული სამუშაოები კონტრაქტორმა 75 დღეში უნდა დაასრულოს.

კომპანიის დირექტორი, გიგა მანდარია ლაგოდეხის მუნიციპალიტეტის სოფელ ჭიაურში მიმდინარე წლის თებერვალში იმყოფებოდა და წყალმომარაგების კუთხით მოსახლეობის პრობლემებს გაეცნო. კომპანიის ხელმძღვანელის დავალებით, ლაგოდეხში ექსპერტთა ჯგუფი ჩავიდა და ადგილზე შეისწავლა არსებული ჭაბურღილების მდგომარეობა, საიდანაც ხდება სოფლების წყლით მომარაგება. ჯგუფის მიერ მომზადებული დასკვნის საფუძველზე წყალმომარაგების კომპანიამ პრობლემის აღმოსაფხვრელად შესაბამისი ღონისძიებები გაატარა”, - ნათქვამია ინფორმაციაში.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს ინტერნეტის და სასაუბრო პაკეტების ოთხ სააქციო პირობას სთავაზობს
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა