"ქართული ოცნების" წევრი მურმან დუმბაძეს პასუხობს და აცხადებს, რომ „თორნიკე რიჟვაძე ძლიერი ფიგურაა, რომელსაც ყველა მხრიდან ებრძვიან“

აჭარის მთავრობის თავმჯდომარე თორნიკე რიჟვაძე ძლიერი ფიგურაა, რომელსაც ყველა მხრიდან ებრძვიან,- ამის შესახებ აჭარის უმაღლეს საბჭოში ფრაქცია "ქართული ოცნების" წევრმა ილია ვერძაძემ ჟურნალისტებთან საუბრისას განაცხადა. იგი, "გაერთიანებული ოპოზიციის" წევრის მურმან დუმბაძის განცხადებას გამოეხმაურა და აღნიშნა, რომ ასეთი საქციელი ხალხის შეცდომაში შეყვანის მცდელობაა.

"მოსაბეზრებელია „შეთქმულების თეორიებზე“ საუბარი. ასეთი საქციელი არის ხალხის შეცდომაში შეყვანის მცდელობა, ეს არის იმის მანიშნებელი, რომ აჭარის მთავრობის თავმჯდომარე არის ძლიერი ფიგურა, რომელსაც ცდილობენ, რომ ყველა მხრიდან ებრძოლონ",- განაცხადა ილია ვერძაძემ.

"გაერთიანებული ოპოზიციის" წევრი მურმან დუმბაძე, ხულიგნობის ბრალდებით დაკავებულის რეზო წულუკიძის ძმის - ფირუზ წულუკიძის განცხადების გამო, გამოძიების დაწყებას მოითხოვს. როგორც მან პარტიის ოფისში გამართულ ბრიფინგზე განაცხადა, აჭარის მთავრობის თავმჯდომარის თორნიკე რიჟვაძის მამა დავით რიჟვაძე, წულუკიძეებს პირდაპირ სთხოვდა, რომ არჩევნებზე "ქართული ოცნების" სასარგებლოდ ემუშავა. მისი თქმით, უარის მიღების შემდეგ რეზო წულუკიძე დააკავეს. მურმან დუმბაძის განმარტებით, ხელისუფლება ადამიანებს პოლიტიკური ნიშნით იჭერს.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას