ქუთაისის მერიის ინფორმაციით, გრიშაშვილის ქუჩის რეაბილიტაცია აქტიურ ფაზაშია

ქუთაისის მერიის ინფორმაციით, ქუთაისში გრიშაშვილის ქუჩის რეაბილიტაცია აქტიურ ფაზაშია.

მათი ცნობით, საგზაო სამუშაოები ამ ქუჩაზე თებერვალში დაიწყო, თუმცა კორონავირუსის პანდემიის და საგანგებო მდგომარეობის გამო დროებით შეჩერებული იყო. მაისიდან სამუშაოები განახლდა და ივლისის ბოლოს დასრულდება.

გრიშაშვილის ქუჩაზე დაიგო ასფალტის ახალი საფარი, ეწყობა ტროტუარი, გრანიტის ფილებით კეთდება ბორდიურები და სანიაღვრე არხები, გათვალისწინებულია გაზონებისა და მწვანე კუნძულების მოწყობაც, შესაბამისი განათებით.

საგზაო სამუშაოები ქუთაისის მერის მოვალეობის შემსრულებელმა დავით ერემეიშვილმა და ადგილობრივი ხელისუფლების წარმომადგენლებმა დაათვალიერეს.

„ეს ქუჩა ქუთაისის ერთ-ერთ ულამაზეს, ისტორიულ უბანში მდებარეობს და ჩვენთვის ძალიან მნიშვნელოვანი იყო მისი რეაბილიტაცია. ამიტომაც, რეაბილიტაციის პროცესში ყველა ნიუანსი იქნა გათვალისწინებული”, - აცხადებს ქალაქის მერის მოვალეობის შემსრულებელი დავით ერემეიშვილი.

გრიშაშვილის ქუჩის რეაბილიტაციისთვის 924999 ლარია განსაზღვრული და მას ტენდერში გამარჯვებული შპს „ნიუპოვერი“ ასრულებს.

ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
ქართული პრესის მიმოხილვა 26.07.2021
ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ბათუმში „მაგნიტის“ ახალი ფორმატის ფილიალი - „მაგნიტი მაქსი“ გაიხსნა
რომში “ინტელიექსპრესის” ახალი ფილიალი გაიხსნა
საფრანგეთის განვითარების საფინანსო ინსტიტუტი პროპარკო (Groupe Agence Française de Développement) კრედო ბანკის აქციონერი გახდა
„ემბავუდმა“ ოქროს ბრენდის წოდება მოიპოვა