ბათუმის მერიის შენობასთან, თურქეთში დასაქმებული საქართველოს მოქალაქეები საპროტესტო აქციას მართავენ.

მოქალაქეების განცხადებით, პანდემიის გამო, ისინი სამუშაოს გარეშე დარჩნენ და 300-ლარიან ერთჯერად დახმარებას ითხოვენ.

აქციის მონაწილეების თქმით, თურქეთში ქალაქ ქემალფაშაში ყოველდღიურად გადადიოდნენ და ვაჭრობდნენ, რის შესაძლებლობაც ახლა არ ეძლევათ.

აქციის მონაწილეების თქმით, ფინანსური კრიზისის გამო, ხელისუფლებას დახმარებას სთხოვენ.

„ძალიან ვთხოვთ ხელისუფლებას, რომ გაითვალისწინოს ჩვენი მდგომარეობა. ჩვენ ულუკმაპუროდ დავრჩით, მოგვცენ როგორც სამუშაოდაკარგულებს ერთჯერადი დახმარება. ჩვენ გავაგრძელებთ აქციებს, ვიდრე არ დაგვეხმარებიან",- განაცხადა აქციის მონაწილე მარინა შაინიძემ.