თბილისში, პარლამენტის წინ მიმდინარე სარეაბილიტაციო სამუშაოები აგვისტოში დასრულდება. ამის შესახებ ჟურნალისტებს თბილისის მერმა კახა კალაძემ განუცხადა.

მან ასევე ისაუბრა ჭავჭავაძის გამზირზე მიმდინარე სამუშაობზე.

"სამუშაოების ბოლო ეტაპი მიმდინარეობს ჭავჭავაძის გამზირზე, იგება გზის საფარი. დარჩენილი მონაკვეთი, რაც იყო ვაკის პარკამდე, რამდენიმე დღეში მთლიანად დასრულდება საგზაო ინფრასტუქტურის ნაწილში. პარლამენტთანაც აქტიურად მიმდინარეობს მუშაობა, ივლისის ბოლოს, აგვისტოში მთლიანად დამთავრდება ეს სამუშაოები "- განაცხადა კახა კალაძემ.