განათლების, მეცნიერებისა და კულტურის კომიტეტი სკოლის გარეთ და ზოგადსაგანმანათლებლო დაწესებულებებში სახელოვნებო განათლების მდგომარეობას აანალიზებს

განათლების, მეცნიერებისა და კულტურის კომიტეტში არსებული თემატური მოკვლევის ჯგუფის მორიგი სამუშაო შეხვედრა გაიმართა.

როგორც “ინტერპრესნიუსს” უწყებიდან აცნობეს, დღევანდელი შეხვედრის შედეგად გამოიკვეთა სფეროში არსებული ისეთი გამოწვევები, როგორიცაა: სკოლის გარეთ სახელოვნებო დაწესებულებათა ინსტიტუციური სტატუსი, სახელოვნებო სასწავლებლის მიერ გაცემული დოკუმენტის აღიარება, ასევე იქ მომუშავე პედაგოგთა სამართლებრივი სტატუსი, სახელოვნებო განათლების მიმართულებით სწავლების მეთოდოლოგიის განსაზღვრის აუცილებლობა, სკოლის გარეთ სახელოვნებო დაწესებულებების დაფინანსების საკითხი, ზოგადსაგანმანათლებლო დაწესებულებაში სახელოვნებო სწავლების ფორმები.

კომიტეტის თავმჯდომარის მოადგილის, გუგული მაღრაძის ინფორმაციით, აღნიშნული საკითხების ანალიზის დასკვნით ეტაპზე, შემუშავდება დოკუმენტი, რომელიც ხელს შეუწყობს გამოვლენილი გამოწვევების საპასუხოდ ქმედითი ნაბიჯების გადადგმას.

„თემატური მოკვლევის მთავარი მიზანია სახელოვნებო განათლების სფეროში არსებული გამოწვევების განსაზღვრა და შესაბამისი ნაბიჯების გადადგმა.

განათლების, მეცნიერებისა და კულტურის კომიტეტი ცდილობს სფეროში არსებული გამოწვევები საფუძვლიანად შეისწავლოს და არსებული რესურსების ფარგლებში მისი მოგვარებისკენ ქმედითი ნაბიჯები გადადგას. საბოლოო ჯამში კი მთავარია ხელისუფლებისა და დაინტერესებული მხარეების აქტიურობა, რომელიც დაგვეხმარება სფეროში არსებული პრობლემები გადაჭრასა და კონცეპტუალურ შეთანხმებაში. მათ შორის უმნიშვნელოვანესია სკოლის გარეთ ფორმალური და არაფორმალური განათლების სფეროების გამიჯვნა, ასევე დეფინიციების განსაზღვრა“, - განაცხადა გუგული მაღრაძემ.

თემატური მოკვლევის ჯგუფი სკოლის გარეთ და ზოგადსაგანმანათლებლო დაწესებულებებში სახელოვნებო განათლების მდგომარეობას შეისწავლის. ჯგუფის მიზანია სკოლის გარეთ და ზოგადსაგანმანათლებლო სივრცეში სახელოვნებო განათლების კუთხით არსებული მდგომარეობის შეფასება, პრობლემებისა და გამოწვევების განსაზღვრა. ჯგუფი მოკვლევის პერიოდში მიღებული ინფორმაციის ანალიზის საფუძველზე დოკუმენტურად დასაბუთებულ დასკვნას უახლოეს მომავალში მოამზადებს, ასევე დაგეგმილია შესაბამისი უწყებებისათვის რეკომენდაციის გაცემა გამოვლენილი ხარვეზების აღმოფხვრისა და გამოწვევების საპასუხო ქმედითი ნაბიჯების გადადგმის მიზნით.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 22.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის