სოფო კილაძე - დონალდ ტუსკი შეცდომაშია შეყვანილი, სამწუხაროდ, ვხედავთ ჩვენი ოპონენტების ლობისტურ საქმიანობას, რომელიც აზიანებს ქვეყნის იმიჯს

ადამიანის უფლებათა დაცვის კომიტეტის თავმჯდომარე სოფო კილაძე თვლის, რომ „ევროპის სახალხო პარტიის“ თავმჯდომარე დონალდ ტუსკი შეცდომაშია შეყვანილი, როდესაც ის გიორგი რურუას პატიმრობის თაობაზე შეშფოთებას გამოთქვამს.

როგორც მან ჟურნალისტებთან საუბრისას განაცხადა, ოპოზიცია აქტიურად ეწევა ლობისტურ საქმიანობას, რაც ქვეყნის იმიჯს აზიანებს.

"ჩვენ ვნახეთ დაახლოებით ერთი კვირის წინ, თითქოს რამდენიმე კონგრესმენს განეცხადებინოს, რომ ბატონი ივანიშვილი არის პუტინის აგენტი. შემდეგ გამოვიდა ერთ-ერთი კონგრესმენი და თქვა, რომ მან არ იცოდა, რა ეწერა იმ დოკუმენტში. მე მგონია, რომ დაახლოებით იგივე შემთხვევასთან გვაქვს საქმე.

გასაგებია, რომ ბატონი ტუსკი „ტვიტერზე“ წერს, მაგრამ ეს არ ნიშნავს, რომ ის არ არის შეცდომაში შეყვანილი ისევე, როგორც ის კონგრესმენი იყო. ჩვენ, სამწუხაროდ, ჩვენი ოპონენტების ლობისტურ საქმიანობას ვხედავთ, რომელიც აზიანებს ქვეყნის იმიჯს. იქამდე, სანამ არ იქნება სასამართლოს კონკრეტული გადაწყვეტილება ბატონ რურუაზე ამ კონკრეტულ საქმეზე, რაზეც ბრალი აქვს წაყენებული, ვერ გავაკეთებ ვერანაირ განცხადებას, მაგრამ ფაქტი ერთია - სამწუხაროდ, ამ ქვეყანაში შეიძლება იყოს ხალხის ფულის, 50 მილიონი ლარის ქურდი და ის მონათლონ პოლიტიკურ დევნილად, მათ შორის აქტიური ლობისტური საქმიანობით ქვეყნის გარეთ. ეს ძალიან სამწუხაროა," - განაცხადა კილაძემ.

ცნობისათვის, ევროპის სახალხო პარტიის თავმჯდომარე დონალდ ტუსკმა სოციალურ ქსელ „ტვიტერში“განცხადება გაავრცელა, სადაც წერს: "შეშფოთებული ვართ იმის გამო, რომ გიორგი რურუა კვლავ ციხეში რჩება. მოვუწოდებთ 8 მარტის შეთანხმების სრულად შესრულებისა და რურუას გათავისუფლებისკენ“.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ