ამირან გამყრელიძე - გვეგონა, რომ თაკარა მზე ვირუსს მოკლავდა, მაგრამ ასე არ ყოფილა

დაავადებათა კონტროლის ცენტრის ხელმძღვანელის ამირან გამყრელიძის განცხადებით, ოდნავ დინამიკა არის იმის, რომ ვირუსის ვირულენტობა მცირდება არა მხოლოდ ჩვენთან, არამედ გლობალურად. მისივე თქმით, შესაძლებელია, ზაფხულში ვირულენტობის შემცირება გაგრძელდეს.

„საქართველომ დღემდე ერთ-ერთი საუკეთესო მაგალითი დადო რეგიონში „კოვიდ 19“-თან ბრძოლაში. მოგეხსენებათ, დღეს ჩვენს ირგვლივ ქვეყნებში რაც ხდება. იცით, რომ დღეს 5 შემთხვევა დაემატა. ეს არის ერთეული შემთხვევები. თითქმის ყველა შემთხვევის წყარო ვიცით, კონტაქტები იზოლირებული არიან, კარანტინში არიან გადაყვანილი და მათზე ზედამხედველობა მიმდინარეობს. მთავარია, რომ აქამდე ქვეყანაში ფართომასშტაბიანი ეპიდემიის განვითარება შევაჩერეთ და ახლა მართვის სტადიაში ვართ. ჩვენ უნდა ვმართოთ ერთი მხრივ, ახალი შემთხვევები და მეორე მხრივ, თანდათან იხსნება ეკონომიკა, რომ მოსახლეობამ იმუშაოს, შემოსავალი ჰქონდეს და ა.შ. ამიტომ, ეს ბალანსი უნდა დავიჭიროთ. იქნება თუ არა მეორე, მესამე, მეოთხე ტალღა, ამაზე მეცნიერები მსჯელობენ. ოდნავ დინამიკა არის იმის, რომ ვირუსის ვირულენტობა მცირდება არა მხოლოდ ჩვენთან, არამედ გლობალურად. შესაძლებელია, ზაფხულში ვირულენტობის შემცირება გაგრძელდეს. რაც გვეგონა, რომ ეს თაკარა მზე ვირუსს მოკლავდა, ასე არ ყოფილა. მთავარია, რომ ყველა შემთხვევა კონტროლირებადია და მართვას ემორჩილება“,- განაცხადა გამყრელიძემ.

მისივე თქმით, კორონავირუსით ინფიცირებული ხუთი ახალი შემთხვევიდან ყველას წყარო ცნობილია. ჟურნალისტის კითხვაზე, ამჟამად რამდენი პაციენტის წყარო არ არის ცნობილი, გამყრელიძემ ასე უპასუხა: „თითქმის ყველა წყარო ვიცით. 6 ადამიანთან დაკავშირებით ჩაღრმავებული კვლევა მიმდინარეობს, წინა შემთხვევებზე ვსაუბრობ. რაც დღეს გითხარით, ბოლო 5 შემთხვევიდან ყველას წყარო ცნობილია“,-განაცხადა გამყრელიძემ.

იხილეთ ვიდეო: ამირან გამყრელიძე აცხადებს, რომ თაკარა მზე კორონავირუსს არ კლავს

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ