რუსთავიდან, ლუგარის ლაბორატორიაში გაგზავნილი 7 ბიოლოგიური მასალის კვლევის შედეგად, „კოვიდ 19" არცერთს არ დაუდასტურდა. დღეს გაგზავნილი 12 ნიმუშის პასუხს კი ხვალისთვის ელოდებიან. როგორც „ინტერპრესნიუსთან" საუბარში რუსთავის ცენტრალური საავადმყოფოს დირექტორმა პაპუნა ბახტაძემ განაცხადა, 12 ნიმუშიდან, 5 ცხელების ცენტრში მყოფი პაციენტებიდანაა აღებული, დანარჩენი კი მედპერსონალიდან, გეგმური შემოწმების მიზნით.

რუსთავში, კორონავირუსით ინფიცირების სულ 10 შემთხვევაა დაფიქსირებული, მათგან 9 გამოჯანმრთელდა. ინფიცირების ბოლო შემთხვევა, 12 ივნისს დაფიქსირდა. „კოვიდ 19" მედდას დაუდასტურდა, რომელიც თბილისის რესპუბლიკურ საავადმყოფოში მუშაობს.