არაერთი მსგავსი შემთხვევა გვქონია ამ 5 თვის განმავლობაში, როდესაც ჩვენ ადამიანების მდგომარეობას ვითვალისწინებთ და ყველა საჭირო დაცვის საშუალებებით, გაგვყავს ჭირისუფლად, მაგრამ ვაწარმოებთ დაკვირვებას,- ამის შესახებ ჯანდაცვის მინისტრმა ეკატერინე ტიკარაძემ ჟურნალისტებს განუცხადა, რითაც უპასუხა დასმულ შეკითხვას, მიღებული ფორმაა თუ არა კორონავირუსის პრევენციისთვის კარანტინში მყოფი პირი კარანტინიდან გარკვეული დროით გავიდეს და ისევ უკან დაბრუნდეს, როგორც ეს ზუგდიდის შემთხვევაში დაფიქსირდა.

ტიკარაძის განმარტებით, ეს ადამიანი იყო ჭირისუფალი.

„არაერთი მსგავსი შემთხვევა გვქონია ამ 5 თვის განმავლობაში, როდესაც ჩვენ ადამიანების მდგომარეობას ვითვალისწინებთ და ყველა საჭირო დაცვის საშუალებებით გაგვყავს ჭირისუფლად, მაგრამ ვაწარმოებთ დაკვირვებას. ეს არ არის პირველი შემთხვევა, გვქონდა სხვა შემთხვევებიც, რომელიც უსაფრთხოდ იმართა. ამ შემთხვევაში, მიმდინარეობს ჩაღრმავებული კვლევა, რის შედეგადაც ჩვენ შეიძლება მივიღოთ ამ ადამიანის ანამნეზში უბრალოდ, გადატანილი კოვიდინფექცია და არა აქტიური კოვიდინფექცია“, - განაცხადა ტიკარაძემ.